عله عيون السحر نتغازل انه وياك
ومن قلب لقلــــب عشـــاك تلكينــه
صرنه ودرنه واحنه ظلينه نهواك
وجار بينه الزمن بالجروح ويبجينه
كلنه شلـون نعيش دهرنــه بليـــاك
وشلون نشوفك مــو ملــت امــانينه
مسالة رياضيات وماعرفنه مغزاك
نمتحن يوميه بيهه وتحير تفكيرنـه
اشـارة موجـب حطيناهه بشـفـاك
واشـارة سالـب من تبـعد وتخلـينه
والمجهول كل صــفاتك ومحيـاك
واحــد لواحــد نســـال احــــادينه
نضرب ايــد بايــد وكت جفــاك
ونقســم ونطـــرح وحلك مالكينه
انت قصيدة غزل محد كدر يقراك
مانــكـدر نـدبـرهه والله مـــلينــه