نشدت الناس عنك وانت هينه وعلى فركاك تلفنه وأنتهينه الكلب أنت تعذبه وانت هينه ويظل اسمك وغالي عليه تعال وشوف كلبي من بعدكم حزين ومايحب احد بعدكم لو طال العمر وانتو بعدكم يظل حبكم بكلبي للمنيه خزرني وصدك حبيبي وكلت وين ناس تكرب يل الي بدنياي وناس كتله انطيني بوسه وكال والناس أخاّ كلهم يريد يبوس اخيه سفن حبك بشواطي الروح شرعا وسهم حبك نبت بحشاي شرعا ردت مذهب يحلل بوستك شرعا وذاماكو ارد للجاهلية لو رأسن تكلي ارجوك هدنه وتعاركني وتريد النوب هدنه ولك والله العشك وياك هدنه مريض انه تعال انشد عليه مايوم بجرح كلبي ولاعام ومرني بس علي وحدي ولاعم اخبرك لااخو الينفع ولا عم لون باري الكريم يحن عليه حلم للغير طبعك مرمرنه ليالي جفاك كلبي مرمرنه عمي ولو كل عام مره مرمرالنه لاتكطع وصالك دوم بيه انا العطشان منك مي اتانــــــــي ومثل صبري بغيابك من يتانـــــــي تكلي شلون صحتك ميت انـــــــي وبعدك روحي عرفتهة المنيـــــــــة لواشي لة حجالك لا تردلـــــــة وعلى الماضي الفركنة لا تردلة ابهجر حيلك وحيلي لا تردلـــــه وخلينه نعيش ابلا اذيـــــــــــــــــه ضكنا من الوفا يا صاح شهده وعلى كلبي زمان الشوك شهده العذل عير الهجر والندم شهده غير جروحنة التنزف سوية لزعل بينك وبيني ابعيد خله واحنه امن الصبا يا صاح خله تسدلي انت واسدلك دوم خله وحجيهم عم عليك وعم عليـــة يظنوني أغني ودك راحات ولا ساعة بحياتي شفت راحات أجيبن هاي كالو ذيج راحت وظن دنياي واخرتي سويه وصفنا وماوصل حسنك وصفنا لان يراد لك كعدا وصفنا كون انتا ابمدرستنا وصفنا لو تاخذ صفر لنطيك ميا انة من الجرح ماخاف .. لوسال يراه شامت واخاف شلون لوسال سيفك بالجذب لعداي .. لوسال علي هد واكولن هد الية اريد الزم اخديدك وشتمنة واريد انعل ابيك وشتمنة تدري اشراد كلبي وشتمنة على صدرك اموت وهاي هية