يحسين أعلنت جلـمه=لا0 للظالم و حــكمه
صارت جلمتك دستور=كل واحد يريد يثور
بيه يحرض ألأمــــه
لا للظالم وحكــــمه
---------------
يبو اليـمه علنت جلمه=صداه بكل عصرموجود
كلت هيهات مـن عدنه=المذله وأحنه أهل الجـود
صارت جلمتك دسـتور= للدنيا بـــــــلايه حدود
وكل واحد يواليـكم= عاهد ويــــه نفس عهــود
ألف هيهات ما نخضع =ولا للظـالم نــوقع
تعلمنه من أبو اليــمه=لا للظالم وأحــكمه
يحسين علنت جلـــــــــمه
-----------
الله يساعــدك يحسين= شكثركـلبك حمـل آلام
تشوف جيوش أبوسفيان= تريد أتهـّدم ألإسلام
تشوف أشرارأهل كوفان=رفعة للخـيانه أعلام
وانت بهل وضع يحسين= لعيالك نصبت خـيام
ماهمك جموع الناس=مثل حيدر أسد فراس
سيفك عل عدوّا نقـمه=لا للظالم وحكـمه
يحسين علنت جلــــــــــــــــــمه
----------------------
وأنت بهل وسط مولاي=مهتم بأمــور الدين
أنزلت للحومه تنصحهم= لكيت الكوم مشغولين
يفكرون بكراسي وجاه=عن الدين مبتـــعدين
ماسمعوّا وعض ورشاد=مريضه كلوبهم ميتين
تناسوّا ربهم الرحمن=عليهم سيطرالشيطان
نزع من عدهم الرحـمه =لا للظالم وحكـمه
يحسين أعلنت جلــمه
-----------------
ألله يساعــدك يحسين=شكثرباللطف حملت هموم
يوم الصوّل ألأكـبر=عليهم وشتبك بالكـــــــــــــوم
فزع كلبك كبل سيــفه = بالميدان كـــــــــام يحوم
ليلى بوجهك تعاين= لبنها والدمع مسجــــــــــوم
تنادي بغربة العطشان= بجاه حسين يارحمن
رد الـواحد ألأمه=لا للظالم وحكـمه
يحسين علنت جلـــــــــمه
--------------
ألله يساعـدك مولاي=من غاب الكمر عباس
فوك المشرعه الجفين=والعامود وسط الراس
نكسرظهرك يبوألأكبر= بكيت أوحيد بين الناس
جابولك طفل عطشان=وتدري الكـوم ذيج رجاس
تدري حرمله تانيه =بنبلته الظالمه يرميه
ويرد متخضب بدمه=لا للظالم وحكـمه
يحسين علنت جلـــــــــــــــــــمه
==========
ألله يساعدك يحسين= حين الودعة زيـنب
تدري من عكب عيـناك=عليها أشرار تتـوثب
تدري تحرج خيامـك= والخدر الحـرم تنهب
تدري بالخيم وجعان=كلبه مـن العطش يلهب
تدري عداك موش شراف=ماعدهم ذمم وأنصاف
نتهـكوّا حُرمت ألأمه=لا للضالم وحكـمه
يحسين أعلنت جلـــــــــــــــمه
-------------------
بكل هذا الوضـــع مولاي = تدري وعندك ألأخبار
تدري أعداك موش شراف= بخيامك توج النــــــار
تدري براسك المكطــــوع= يروح بكل بلـــد يندار
تدري زينب خـــــــــلافك = سبيه وعيلتك طشــار
بكل هذا تعرف يحسين= ضحيته الحفاظ الدين
تريد تعـلم ألأمه =لا للظالم وحكـمه
يحسين علنت جلـــــــــــــــــــــــ مه


خادم الحسين ع

السيد كاظم الشرع المحمودي الموسوي