المشاركة الأصلية كتبت بواسطة *ضيَاء ألصَــــــافي*

مقارنة اوضاع
عذراً لبعض الكلمات
أقارن بين هسه وبين وكت الراح**ونتأمل نشوف شلون تالينه
حرامينه كبل باليل يسطي البيت**هسه على الشمس يسطي حرامينه
وكت بينه الحرامي يروح للمبيوك**يواسيه بمحنته ويمد جفينه
حرامينه كبل معروف لن محتاز**هسه يبوكنه ويفرش مواعينه
*******
إجونا وهليلينه وكلنه راح الضيم**ومن انشوفهم تسكن بواجينه
الف حياك صحنه وإيد تصفك ايد**للجاي بمحبه ويحمي اراضينه
مدينه الجفوف وعلكينه اشموع**ومن ثوب المذله هواي ملينه
تالينه بعزر نتمنى وكت الراح**واندم على اليالي الجانت علينه
كبل واحد علينه ورافع السجين**هسه بكل مكان نشوف سجينه
ضكت ضيم اليالي وعلمتني اشكال**ومن ضلم اليالي اكثر تكوينه
كبل لو راح اخوي ودوهناه االضيم**يجي السجان لينه, وجن يدلينه
ميخالف يعدمه ودري موانصاف**لكن لليعدمه يخلي تكوينه
وندري المايجينه انعرفه وين ايروح**ننصبله الجوادر والله جافينه
لكن هل الوكت اشكد صلف بالعين**يوميه الشوارع تنفجر بينه
(ويوميه على بابك تلكه قطعة تكول** اقرا الفاتحة عل الماكضه اسنينه)
ولد يبجي على ابوه وحرمه غاد تنوح** وطفل يبجي على امه وزايد ونينه
كبل حدر المكابرصحنه ياويلاه **شلون ابن الدعي يدفن اهالينه
والله يخاف مدري! وعنده ذرة عيب**من يكتل يخلي تراب غاطينه
وكت هسه الجثث تبجي على صم تراب**تبقى عل الرصيف وتضحك علينه
انا عل الرصيف اوكون يمي كون تشوف**جثه بلايه راس وماكو جفينه


كتبتها عام2006
تحياتي
سيد ضياء الصافي
بقلمي