درتلك ضهر كلبي بعد راح انساك
واعتبرك متت بل اقنع بموتك
وارجعهن سنيني الراحن بلياك
وادفن ذكرياتي بعتبة سكوتك
بعد ب التسعة انام السهر راح وياك
وبعد بذني محرم ينسمع صوتك
وداعا للدمع لادمع بعد الان
دمعاتي كمر وانبلعن بحوتك
عشك مكبوت بيك شمالك توانيت
شجاك وماتبوح وتحجي مكبوتك
اني لحشمت لجلك حتى اليكرهون
ماهزك حنيني تهزك مروتك
ولو صارت سوالف والعتب ميفيد
جناز العتب وتوارى تابوتك
قطار الكلب سار ولا تنطرة بيوم
بمحطاتك حلف ما يوكف يفوتك