سامرتك


سامرتك عمر ناشف ولا نتّاگ
وي اسنين عمري اوثيِّعت بيَّه

ثاريَك ولاتسواش صم اتراب
دمع تمساح تبچي اوگَرصتك حيه

ورجتَّك عليَّه اوبين اديك اكتاب
تقراني وتورج الوادم إعليـَّه

لوليتك بديه اوليل يرضع ليل
تكبر يوم وازغر بيك يوميه

انعثِّل بيك ومبريَّد نحيل الحيل
بالصحره اوتگطع ليش رجليـه

انت العين گتلك من يرِّك الشوف
تفگسها إعله شنهي الچانت أُربيه

أهمِس چنت باذنك لو حچيت اوياك
حدر اذنك أمعلِگ شفتي ترچيـه

أجلِد روحي لجلك جلدت السجان
وانت اوياي تجلدني اعلى مابيه

موذنبك يغاتي الصوج باليهواك
يفطر للصيام ابعظم ......جريَّه

غشاني التهنكز والحچي المعسول
جول اتجول مشيك لعب ...چوبيه

تتطوه ومشيتك مشية الغرنوگ
اومن توگف اتصير ابعيني ملويه

ثاري إخشاله كلك .. معدنك فافون
ماينظف ضميرك خابط .......النيَّه

اشگف بيدي عنك طعنة العادوك
وانت ابظهري طاعن الف شِبريه

ابنهر تيزاب لو إغطك فلا يجليك
إسكت والسوالف خلها ...مطويه

ما أبريك ذمه ليوم يوم الدين
وانا ابشين فعلك ذمتي مبريَّه
****


آنه بالنسبه إلك كلش فقير
آنه جامه وادري انت المازه

شلون مارايد تفصلني أصير
وهذا موفد شي صعب إنجازه

لكن اني بعزتي كلش چبير
وغير الله الروح ما معتازه

اني مثلك بشر مو عندك اسير
وبالنتيجه اثنينه ننشال فد إجنازه

احترس مني اذا وكتك يدير
واليجازي الناس هم يتجازه

آنه وانته اثنينه بنفس المصير
مثل طول قماش عند ....بزازه

وك لا تعوف النهر وتخاوي الغدير
ولا تصُّف الغاب ويه.... التازه

ولا تواعدني تلبسني حرير
وانته تتحسر گمت عالبازه

اشما اريدك تختمر تبقى فطير
وروحي صُبرتلك صبُر خبَّازه

*** *** ***


ربك صورَّك

ربك صوَّر بوجهك علامه
اعله عينك سيف..واعله السيف شامه

انطاك، وساترك من شر العيون
الكريم وحاطك بسور السلامه

ودستر وجهك وداره اعله فرجال
مثل دورة بدر ليلة تمامه

وخذه الثغرك إمن إخيوط الشمس خيط
وطرز بين الشفاف ابتسامه

وجمع جيد الغزال وعين شاهين
وحسن طاووس وترِهدِّن حمامه

وظهر سدره .. وعذوبة ماي شلال
وخصر دله .. وترف ريشة نعامه

وهبوب عذيبي غبشه .. ونفحة ورود
ومحنَّة ناگه ومروة نشامه

وحلاوة كيك عيد .. ووهج ياقوت
وطراوة مَلمل .. وهيبة زعامه

هذن كلهن جمعهن ياترف بيك
اموت وقهر كاتلني مرامه

وتعمَد حتى بالدنيه احترگ بيك
ويحاسبني گبل يوم القيامه

*****


.....................

ملهوف اجانه العيد ها كتله شتريد
راويته جرح الناس ظل يلطم العيد



اهلا وسهلا بيك وبجيت العيد
محتاره روحي وكون تلبسلك اجديد



بالعيد اعايد ناس بس أنته لاله
هم شفـت واحد يوم عايد هلاله


مايحلى هذا العيد اله ابجودك
جا المن معيدين غير اعله مودك


مو ماتجي متانيك وك كلبي ميهيد
ولوماتجي قرايات يتحول العيد



بأجمل تهاني العيد يالغالـــــــي اخصك
والعيــد شنهو العيـــــد من غير شخـصك


ياعيد اعيد بيه مادامك بعيد
ولوما تمر بالعيد غير اذبح العيد


زين انت عندك عين وتناطر احباب *** فگدت نضرها العين من لحظه الغاب

زين انته عندك روح ثاري انته بطران *** جثه آنه ثق بجفاك ما صحلي دفان

احبك حيل كلش حيل خلي الما سمع يسمع *** ايكولون القناعه اكنوز ليش ابحبي ما تقنع

الدنيه شوف اشلون تفتر يهالناس *** ابتعد عني الجان ابين الانفاس

سهم الهجر جتال يالفاركتني *** شكلك ضميرك يوم ميت عفتني

شمات مو شمات شماتي اخوتي *** حتى امي يا هلناس تتمنى موتي

شمات مو شمات شماتي اشرار *** فوك الكبر ويصيح ياربي بالنار
علي ثوب الونين اشكثر حالي
شباب وهل شبيت من دون حالي
انشدج على احوالج مثل حالي
طايح والهموم اتشييل بيه
..........
الج بس انتي كلبي ورجتيه
ودمع العين يمج ورجتيه
ابتعد كلمن نخيته ورجيته
ولا واحد اجاني وحن علية
...........
احد سجن صبري وجن ولاحد
التفت ماشفت ربيعي ولاحد
شجم سبت الي يمر بيه والاحد
اجي بس شوفتج تصعب علية
..........
عليج الروح راحت من يردهه
اوكيحه اهمومي صارت من يردهة
خطية الروح ملت من يردهه
لان بس الصبر لبس العلية