لو ادري العمر مشوار تگضي ايامه وتعدي
ولو ادري الوكت دولاب ياخذ بينه ويودي
چا ما شمت الشمات بيه ولا خنت ودي
ولا خليت دمعي يسيل تيزاب وحرگ خدي

* * * * * *
موانته الگلت هيهات اعوفك واخلف بوعدي
اشو نص الدرب يفلان وتبريت من عندي
* * * * * *
لحيمي ودچ عليه الريش وجناحك گوه بچبدي
كل هذا التعب والطيب ضيعته وصرت ضدي
صدگ ينسى الفگر والضيم من يستغنى لمجدي
********
بعد وردة شبابي تفوح ما طحت بمرض معدي
بعد حملي عدل ما مال ليش تعوفني لوحدي
تدريني خشب وبنار بفراگك رماد ابدي
********
كل جرح يألم يطيب بس جرحك يضل يدي
بعد شتريد من عندي شضحيلك بعد شفدي
ولو ادري النهايه بهاي ما چنت بهواك ابدي
.
.
.

خليك بمكاني وعيشلك يومين

ومثلك كون اصير وجرب العشرة

وشوف شلون تخلص عيشة المطلوب

دم ... واهل المضايف منه تتبرة

اقوه امن الخمر تأثيرك اعلى الروح

انعد عالسكارة وماضكت كطرة

يالتنعس كَبل مايطلع الخفاش

انه بلياك كاسر خاطر الكَمرة

بس بالحلوة اشوفك ..بالفهاوة تروح

واني مرافكَك عالمرة والمرة

ما اكَطع التنبت بية لو صبير !

فلاح واحب السالفة الخضرة

تمنيتك تجي لو شخص ثاني وياك

وبيدك كَايدة هم موقف اعتبرة

منا وانتهت..مدري انتهت منــــاك

من صديت شوكَي بعينك الحمره
راقت لي جداً