ايجابيات وسلبيات الزي الموحد بنظر طالب حشاش

طبعا بالبداية انحيي وزارة التعليم العالي ونشكرها على بهذلتنا من قبلهم, يعني بعد ميعرفون شيسوون بينا حتى يبهذلونا يومية فلم, ومحافظين غير احجاية وحدة على هذا الموضوع يكولون انه احسن الجامعات بالعالم عدهم نظام الزي الموحد, كورت عينك يا وزيرنا اتقارن جامعاتك بأحسن الجامعات؟؟ المهم بسيطة باجر عكبة نتعيين وناخذ مناصبكم ونطلعكم تقاعد خلي نرجع للموضوع ايجابيات واضرار الزي الموحد


اولا الايجابيات:

1- محد يقلد على محد, يعني قبل جانو البنات يكعدن كل ما تفوت وحدة تسمع احجاية شوفو هاية شلابسة.
2- بصراحة جان قبل يا بنات لبسكم يخزي ههههههههههههههه يعني اصفر وبرتقالي وبنفسجي وسمائي اترهموهن كلهن سوه وجانت اتصير بينه فزعة احنة الولد فهم نعمة الزي الموحد الكم ولو يمنعون الصبغ مال شعر جان هم احسن كلكم مشيبات وانته الفلم.
3- بالزي الموحد كمنه نعرف منو الطالب ومنو الموظف يعني قبل جنة انرزل واحد ويطلع موظف وبعدين يبهذلنا بالمعاملات.
4- بالزي الموحد انتهت اللواكة عند البعض هالسوالف مال هذا التيشيرت مامي جابتليا من سويسرا وهذا البنطرون ادولفو بكر صممليا بايطاليا صارن كلهن قمصان بيض بعشرة من باب الشرجي.


نجي على السلبيات:

1- يومية بالبرد راح نحتار شلون نغسل الهدوم يعني الغسالة مره كهرباء اكو ومي ماكو ومرة بالعكس ومرة ثنيناتهم ماكو يعني حط الطشد تحت متناول يدك وشلون الوان اختارو الربع ابيض واسود ونيلي ومن نوصل للبيت الابيض صاير اسود والاسود صاير بيجي من التراب.
2- قبل القبيحة جانت اترتب نفسها حتى متبين ملامحها هسة كلهن ينكشفن هههههههههههههههه نفس الشي على الولد الاجكم هم راحت عليه.
3- اللي ساكن بالمناطق الساخنة راح توجعة ركبته من كثر الالتفات لان هسة الكل يعرفو طالب والخطف والعلس يصير بفلس.
4- راح تبدي لواكة الحراس اللي بالباب كل واحد يصير براسنه عميد ركن, ويبدون يتفيترون على البنات خوب الولد ماكو نقاش يرجعوك بيك.