البارحة شفت الوطن بالطيف اجاني البارحة
كتلة هلة ومية هلة يابو الخيول الجامحة
مديت ادية اتسالمة شفت الكلب كبل الجفوف ايصافحة
شلونك كلت يا موطني وضنوني جانت سارحة وانكطع وسطي امن الخجل من الخجل وعيوني ضلت شابحة
كال اطمئن با ولدي كفتنة هية الراجحةكتلة ترد يا موطني الحضنك الدافي اتسامحة؟كال اليرد والما يرد وحتة اليفكر بالوطن الذنوبة كلهن طايحة بس اليخون اميتة ما يستحق نقرة اعلة روحة الفاتحة
كتلة بعد عندي حجي يا موطني بغزر الدموع المالحة
كال احجي كول اشما كلت طبع الوطن مثل الابو واجب عليك اتصارحة
كتلة يبة يا موطني ليش انتة من دون الدول صاحت عليك الصايحة؟ وليش انتة من دون الدول اطفالك الحلوين بالدم سابحة؟
وليش انتة من دون الدول بكل بيت عندك نايحة ؟وليش انتة من دون الدول ناسك اتصبح نازحة؟وليش انتة من دون الدول
جيرانك الة اتواكحة ؟وليش انتة من دون الدول ياثور بالعالم قوي تركض عليه اتناطحة؟متكلي منهو الخبلك يابو العقول
الراجحة؟ شفتة ابتسم لمن حجة وجاوب اجابة واضحة كال اعتقد يا ولدي المشكلة مو بالوطن المشكلة الحجاج هوة
الذابحة يبقى الوطن هوة الاصل والناس هية الرايحة كفكف دموعك يا ولد ادري بغريب الدار شوكة الجارحة
وادري بغريب الدار كلما يعتدي وشما صعد واشما كسب خسران كل ما رابحة حتة الطيور الهة وطن تهاجر لجن لمن يهزهة
الشوك ترجع طافحة وحتة النخيل الهة وطن ما تنشتل الة بارضنة المالحةبس احنة نبقى لشوكت يا موطني نحلم وطنة
انصابحة خلاف الوطن تبقى البشر مثل البهايم دايحة والبارحة شفت الوطن بالكيف اجاني البارحة

هلااااو شو محد ايعلقلي اشلونكم مشتاقتلكم

كلااااااااااااااااااااااا اااا للطائفيةةةةةةةة
تحياتي​رندددددد