سألوني اصدقائي وكلت ماحبيت
شكلهم يا بشر هذا الي حبيته

كلتلهم لوحدي عايش ومرتاح
والحب بس خيانه وغدر سميته

لأن جربت احب بس مالكيت انسان
على نيتي احبه وهم على نيته

لكيت الي يخون وبالظهر ينطيك
سجين الغدر بس هذا لاكيته

ولكيت الي جرحني بغير اسباب
وجازاني بجرح واني الي داويته

تردوني احب والغدر طبع الناس
بطلت العشك والباب سديته

احب بس العراق وكلكم تعرفون
حب هذا الوطن بكليبي ضميته

مو بس موت احبه اني هايم بي
كل عمري وحياتي فدوه اله انطيته

عراقي اني افتخر وابقى فخر للناس
ويربي تذله كلمن باع جنسيته

تفرج ياعراق وتنتهي الأحزان
ويرجع كل عراقي سالم لبيته

صدك من كال نارك ياوطن جنه
يحفظك ربي بس هذا التمنيته