مسحتك من حياتي وانتهة الموضوع


وبعد ما ادير بال وأبد ما اهتم


لا ترجع بعد وتكلي ندمان
...
ميفيد الندم تدري المسح قد تم


تطشرني على كيفك وكت متريد


ووكت عوزتك تريد انوب التم


تفرح من اغيب وعرس جنة ايصير

وانة بغيبتك انصب الك مأتم


جنت وردة بحياتك والعطر فواح


الحسرات غصتني وبعد ما ضل عطر ينشم


لا تصدك بعد ارجعلك انة انوب


ماي انتة وتبدة وما اظن ينلم


روح ابعد علية ولا ترد اردود


حتى بالحلم ما امر اذا تحلم،،،،