لان ماااعندي شي للصاحب انطيه
ولان احنه بوكت كله مصاااالح
ضاكو غيري كالو طيب هواااي
ومن ضاكوني كالو عووووع مالح

واهــــس للعشـــــك مــــا بــــــــاقي ويــّــــاك
لأن مــــات العشــــك مــــن گــــد الجــــــروح
گبــــل چنــــت إعلــــه شوفــــك أحسب حساب
هســــه شگــــــــد أكيــّــــف لمــّـــــن تـــــروح

تريد الناس اسولف وآنه كلي هموم
خانگني الدمع ماأگدر احچي
إذا حته الدمع من شافني بهالحال
لبس أسود علية وگام يبچي

علي الاكبر نزل كالوا ابو الحسنين
واتحير فكرهم جي لعب سيفــــــه
وخلاهم جثث عـــالغبره مطشرين
مثل ضربة علي من ياخذ بحيفـــه


مطبوره على شانك هامت الحبوك
ومورمه الصدور من اللطــــم حيل
دم عيوني صبت عـــافت الدمعــات
ومتوني على حبك عشكت الزنجيل


المسيح يكول لو عدنـــــــه الحسين
جا دعينه الناس باسمه للمسيحيه

...

اجدامي من ثجيل الحمل عاين
ولاصاحب لعند الضيج عاين
كعد واثنه ركبته وعلي عاين
سره ثلاثين حطهن ترس بيه