شفت اخضر مرقط لبست الشبان...
كلت فزعة زلم والفزعه معروفه...
امسابك عالمنايا وماتهاب الموت..
بحلك الموت صار الموت سالوفه...
تستعرض زلم فوك الوطيه ليوث...
تخلي الماتهون تهون مجتوفه..
شنهي انت يداعش لاتظن فد شي...
انت خيال يرجف موتته بخوفه..
انت الماكو مثلك اي ...

اوكف يازمن عدنة عتاب وياك
تعال وشوف جرحك بيش ملجوم
خليت المصيبة بكلب كل انسان
ويابيت النطبلة تشوفه مهموم
عاشرنه الحزن من جنة بالكاروك
لحد ما كبرنة ويانا مضموم
البشر بالعيد تفرح تلبس اشكال
واحنة من الدمع فصلنه الهموم
نعيش بنص وحوش وناس تاكل ناس
وضمير اكثر العالم صار معدوم
صار الضحك سلعة وتشتريه الناس
ثمن كل ابتسامة بكاس مسموم....