المفارك محب بعيونة تقرة الشوك
بملامح وجهه ركز واضحه الفركه
لتكله اشجره وشنهو الحصل وياك
من يحجي اخاف يموت بالحركه
لا تجرح لهفته تمس امل بالروح
خلي عيونه تنطر ساعه الملكه
عوفه بنص حلم لتكله طيفك راح
ولتفزز مشاعر حالمه بشبكه
اتركه متاني ابد لتصيح ميرجعون
ما يسمع كلامك بي يحس خنكه
المخبله العشك ميفيد تحجي وياي
شنو نفع الهوه للمشتهي الغركه

زرعت الروح ورده بحبك من سنين
چنت أذبل وأموت وأنت تحييني
رويت أيام عمري من الحنان البيك
وأحس دمعات عينك هي ترويني
ليش سنين عمري حلوه بس وياك
ﻷن أصلك عسل وأنت تحليني...

آخر كاس
چذّبت روحي وصدگتك أنته
من گلتلي: يمكن تخضّر بگايا الروح ياس
وعلى هالچذبه...
شربت وياك آخر كاس!
مدري!
ناطرتك..
مثل ما تنطّر الورده نداها
وانت موگطرة نده وبس
أنت نهر الروح، تسگي الروح وتخفف ظماها
ناطرتك..
مثل ما تنطر الگاع المطر
روحي صبخه وانته غيمة شوگ
تتباهى بنسايمها وهواها
أنته من ياكون اجيت
يامجرّة مضيع ...

يا لساكن عيوني شلون ما تنشاف
لا جيت بحقيقة و لا حلم مريت
انا شفتك حلم من جنت احلم بيك
وﻷني ما لكيتك بالحلم فزيت
صبرت وي الصبر اللحضة احسهه سنين
و وي وكتي اليتاني شكد الك تانيت
احس ذبلان واهس دمعي الك بالعين
ﻷن ما تمسح ايدك دمعة بيهه بجيت
واحلف ع العذاب شكد اكول تهون
واكابر ع الجرح بس يا

...

هنيــالهــــم عـــدهــــم گلـــــب
مــــا يلتفــــت لحبــــابهــــــــم
مــو مثلــي اغصــن بالنفس
لــو طــاري واحــد جــــابهـــم
يــاهــواليــــوصللهــم خبـــر
يـــاهـــو اليــــــدلــي ابــابهـم
انفــض.. اگوامه عله الهوى
بــس كـــون اشــم اتـــرابهم
گلـــولهـــم واگــف جـــــرح
طـــوله ويـــه طـول غيابهم
كلمـــاتغمـــض صفنــــــتي
يلجمـني. شوگ... افــــراگهم!