هـــــذني سهـــام غدرك ضامهن تذكار
ابد مــا ناسي لحضة بروحي اغطيهن
اداريهن بكَلبي وهـــاي صـــــار سنين
وأخاف مـــــن الجرح لــــو نزف ياذيهن
بعــــد شحجي عليمن ضامهن لوعات
هواي هموم عنــــدي وخايف احجيهن
اخاف احجي بحزن والدمع يبجي عيون
توج بضلوعي نــــــــــار شلون اطفيهن
صـــــــــرت مرسال أني العالم الاحزان
أجيب همـــــــوم بيدي وبيدي اوديهن

ساكت شرد اكلك هـو ظل اللسان
عندي وبيـه اسولف وعترف معجب
شفتك من بعيد وخذت كلشي وياك
انه ادري شراح تاخذ مني من تكرب
ما مرتاب منك بس احس بخوف
وبعيونك احس كل نظره الك مطلب
يبو عيون الصكر سابينه من مرتاح
نطي وحوهنه لاوين من تغضب
على كيفك وياي وشوفني بيي حال ...

مكلبك صفحة صفحة وممتحن بيك
واني مغمض اخذ بيك ميه
أريدك مرة وحدة تصير حساس
وتفهم هالمثل يل خنت بيه
النخل يوكف بوجهه الشمس مرتاح
لان يكسر على الفلاح فيه
وانت سنيني كلهن ضاعن وياك
وانه بقاموسك مسجل ضحية
شفت رمح الزمن ما لاحني وفات
وكفت الرمح دليته بيه ...

انه المكسور خاطر من الكماط
وانه المشلوع كلبي من الطفوله
سبع اسنين عمري وشيب الراس
اشوف الفرح يمي وما انوله
وسواهه الزمان وياي بزماط
واخذ مني الاريده بكل سهوله
وحط بيه جرح مايرهم خياط
جرحي من الجدم للراس طوله

بعد هيهات منك اطـــلب دواي
اريد بملح كــل جروحــي اداويها
وامسح ما اخلي ادمـوع بالعين
يا هو اليستحق دمعاتي وابجـــيها
ومنهو بهالوكت يسوه ونضحـــي الروح
مايسووون و الله الروح ننطيها
جربنه وعرفنه اشــكال من هالناس
قليلة اللي توافي و نادر الكيها