جماعه تكول عنك مو بشر حاشاه .... أو جماعه أتكول طبعاً مو بشر طبعاً..
وأختلفوا عليك وبيك مايدرون .... أنسان أو ملاك بواحد أنجمعن ..!!

*****
من تمشي الصبح حط عينك أعله الكاع ... لأن نظرات عينك تموت بنادم ..
وأذا بالليل تطلع فدوه طب بساع .... أذا هي الصبح وادمنه تترادم ..!!
...

حارس راح اصير ابشارعك مجبور
حتى اكدر اشوفك انه يوميه

وذا مر يوم بيه اوماشفيتك بيه
اباب البيت اشغلك احاديه

راح الناس تطلع وانت ويه الناس
ابهاي الحاله شفتك ميه بلميه


واذا الناس سالو عمي شنهي الصار
ابشارعكم شفت عمي حراميه

طبع ...

اهيم بشوك وصلك وانثر الروح
وعلة اشفافك ثلج من تنزل اشفافي
واعض اشفاف حسنك واشتعل نار
وكطعهه بصدك ياكلمة الكافي
لمستك ** بيدي وذوبت الاشواك
الطريق اطويل اكعد تعبت اجتافي
واحس رجفة ابغرامك والكلب عطشان
اريد اشبع وحسن بيك متعافي
واريد بايدي اجتفك تنسجن بحساس
وعلة اوصافك اريد اطبعهه لاوصافي
وبادلني بغرامك خل اهيما بيك
بس اكعد حبيبي وانتة الك صافي..

سولفت على حبك دوخت هل ناس
كتلهم احبه وما يحس بيـــــــــــــــه
طلع واحد يكلي اشبيك يا تعبـــــــان
عوف الما يريدك وانسه طاريـــــــــه
جاوبته برود وكل هدوء اعصـــــــــاب
كتله شلون اعوفه وانسه ما ظيـــــه
ظل يضحك علي وكلي انت شبيــــك
اظن عندك يا سامع حاله نفسيــــــه
كلتله من الهجر ماظل عقل بـــــراس
اظن ما مار انت بقصه حبــــيـــــــــه
هز ايده وتركني وكلي مــــعـــــــذور
شلي بهل طلابه واني شعليـــــــــه

غلطان اليكلك لحظه راح انســــاك
وعمت عين اليفكر يمشي ويعوفـك
كلت خلي اجرب مااسولف بيــــك
طلع شريان كلبي يردد حروفــــك
-----------------------