ليش محّد شاف حزني
ليش من شح الصبح ما غفو يمّي
وآنه چنتلهم محطّه
وسافرو حد ما غفه الريل اعله متني

طحت والتَمّن بروحي
الـ آه ، والهم والمّرايه استاحشتني
ليش ما مسحو الماي الجاس جفني

سولفوني
اعله اليكرهوني ، والمّنادس لچمّني
چانو يطيحون .. و يصيحون بسمي

وليا حد وليا حد الصبر وابعد
تره طبع الجروح الأخ من تبرد
وأنه وروحي خصر احزام
تنشد زود من ينشد
وأنه وروحي كفر وأيمام
بيه السكته تتوحد
انه اوياك بدرب جدمين
نمشي شما جزانه الحد
وأحس بيه فرح سفان
هب الريح بشراعه
وأنه اوياك الهرش والطين
يمتد الهرش لو حوتمت كاعه
انه اوياك الزمر والبين
يتلاكن مكص لو دكت الساعه

يَ ولف صباي...
ذبحوا كل ورد بيــه

انه اول نده انزفيت للعاگول مهظومه
هظيمة وحده فصلية !

رسومك ؟
غافيه بعيني زلـــف خدران
غــافيله اعله ترچيه

وانه ابرايي النهر هم ريل
من يفحط محطاته سواجيه

قرانه الماي واتمعّن
ولبس كلّمن خضاره وفات
شملذ ذيج الرساله التنّقره بواهس
ولا ترضه اعله ظرف اتبات

ولا ارضه
ارد كل چف اجه وجايب دفو امن العيد
مو ذنبي
الخاوتني وطفت مافكرت لبّعيد!!

مو ذنبي
امندثّر بيرهم وابعد
حذر من سالفة يوسف
اخافنها تجي ابالي واخلي الماسجد لسّه يرد يسجد

خليني بطرف ليلك ولو نجمه
مشت بيه الدروب جروح
وانت بعيد ..
ما اميّز گمت مابين
برد العافيه من حرورة اللچمه ..
ولانسمة التدگ الباب
امس مرني الهوه من بعيد واتعده ..
حلاة الموت وانتَ وياي
مايدري الندى من يموت
ماطوله بحضن وردة