يمته اتموت ويطيبن نياشينك
يمته .. تزاعل دموعك !!
بعد ليله وتفك حزن الكمر عينك

غريبه عيونك من تنام !!
لا ظنك يوهسها ولا چفي الغفه ابسدها ..
يشايل خوفك بگلبي !!
تراهي الدنيه حسبة طيف مانعرف نواعدها

اضحك خل يرف طولك لون جاسك هوه الخاطر
واضحك من تريد تموت
اليطش دمه اعلى حلم الناس يخضر كنطره الباجر

جرح الندم
وهو هم حظي
صرت للناس مرجوحة..
صرت خيط وبقيت
بكيف كلمن تنزف جروحة..
بس آني الغشيم الملتهي وي الناس!
كلمن ملتهي بروحة..
لو صاير حبل للموت
چان الدنيا تخجل تعبر بعيني..
چان الخير خضّر من سناديني..
(غيري يخاف ما ينطي دمع للناس!)
وأنه بليلة ...

ماشيّنه العمر عميان ما نعرف توالينه
ولــگينه بكل حـزن مذكوره اساميـنه

ولگيـنه الدنيـا مو منّه
ولا مـنّها
ولا بيها الـ يغنينه

ولا بيها الـ عرفنّه منين
من يا طين . ونحط روحـنه بطينـه

ولا بيـها الـ قرانه منين
من يا ااخ
واندل كل بواچينه

ولاظـل طيف يسـوّه رموشـنه تشبگـه
ولا ظــل باب يســوّه چفـوفنـه تدگـه

يروحي الناس كلمن عايش لروحــه
يروحي الـ ينلچم يتعوّد جروحـه

وافز والگه البخت مبيوگ
واتناوش توالي الهم
واطشر حسرتي بكل باب
بگايه الـ آآآه ما تنلم

اريد اليفهم دموعي
حزن مو ماي
ويصّليني لوّن يلگه اعله وجهي ذنوب

خذن من عندي حسبة حيل
سفر ، ومناشغ ، ومحبوب
اثاري الشيب غبشه لكل عمر متعوب

وافز والگه البخت مبيوگ
واتناوش توالي الهم
واطشر حسرتي بكل باب
بگايه الـ آآآه ما تنلم

اريد اليفهم دموعي
حزن مو ماي
ويصّليني لوّن يلگه اعله وجهي ذنوب

خذن من عندي حسبة حيل
سفر ، ومناشغ ، ومحبوب
اثاري الشيب غبشه لكل عمر متعوب