يالدوختي عقلي وصافن امن سنين
حاير بالوصف محتار ابدي منين

يالوجهچ كمر ويضوي ليل الناس
يالطبعچ ترف وشفاف چنهن تين

تفاحات خدج والعيون اوساع
مرمر رگبتچ يالهيبه من تمشين

يالشعرچ سرح يشبه سواد الليل
يالشامه البخدچ بيهه مصدومين

يانغمة عشگ واسمعهه تالي الليل
يالصوتچ طرب فيروز من تحچين

اشبهج بالورد مزروعه بالبستان
واخاف اعليچ اسولف حلوه تنحسدين

يا اول محب علمني معنه الشوگ

...

صدفه شفتك ... من بعد غيبت سنين
وصدفه شفتك ... هيجت بيه الحنين
وصدفه شفتك ... ماعرفتك !
منهو انته ؟
انته ذاك الرخصيت ادموع عيني وانه عفتك ؟
صدفه شفتك

علي الشمري

تانيت اشكثر وابقه انه المتانيك ... لو يخلص عُمر هم انطر اتعود