ارسم من دمع عيني واردلك
واگطع من ورد گلبي ورد لك
اغيب اشما اغيب تالي اردلك
لان انته الوحيد وغالي عليه

خيالك من طرف عيني…… ولا راح
وذكرك دوم بألساني…… ولا راح
أسمك عايش بقلبي…… ولا راح
وأذكرك كل دقيقه تمر عليه……

عيوني من الهجر ملن وسالن
وعليَ اصحاب ماسألو وسالن
الف دمعه الجرت مني وسالن
ولادمعه الجرت منهم عليه

ادك روحي نذر للجايب ابشارهعريان السيد خلف

واورجه اعله الجروح ، المالهن
جاره
جرح ينزف .. جرح باني .. اعله
بسماره
خجل .. والمايخاف اللوم.. يرضه
ابذلته وعاره
يالمبشر .. مته المكَصوص جنحه
ايطولن اكَصاره ؟
ومتى الوكت التراده ، ايبدل
اطواره
ومتى العايش غريب ، ايأمن

...

قصيدة اكثر من رائعة للمبدع الشاعر الكبير عريان السيد خلف
من ديوانه( تل الورد)

ضمني بليل ثاني وحل حلال الخل
شحيحه افراخنه ودكانهه معزل
البسمه نبوكهه من الاه والياويل
وصياد الهموم بدفتره يسجل
ياكلبي شبع ومعكرات الكيف
زمن توزهن ما اضن بعد تحمل
يولنك ضواري مهذبات الناب
لامخلص يعينك لو ردت تجفل
يا مشاجج زمانك حد كطاع النيط
تترجه الشفه وشكواك سل السل
لاعاد الصبر يلجم مصب العين
ولا مثل الخلك بدموعنه نمثل

...