افوت بزود صدري وما يكضني الروج
اسحكهه الصعاب بصدري اذلنهه
اكَابلهه بوجه باشط يشكَ الماي
وانه بمكَفاي اطشنهه والمنهه
انه الما اصيح ايدك مدهه الي ارجوك
اكَصهه من الزند لو ايدي امدنهه
انه بكَصتي الشمس رسمت ملح تموز
و لا اكَعد بفي الما اريدنهه
اطيح ...

يا صوت الحقيقه وغيرك اوهام/ياراية بخت دكت نياشين
ارد اعرف حقيقه بلا متاهات /وارد اسال سؤوال ومو صعب زين
هل يوجد شخص مرتين مولود/ما شايف شخص ينولد مرتين
بس عد اهل بيت الرحمه معروف /واذا رايد اجيبلك براهين
مره من نولد بتلاثه شعبان/وشع بيت النبوه بنوره صوبين
ومره نولد لمن عكب ما مات/وضل عايش عمر كل هاي السنين
بقه ثورة اباء اعله الطواغيت/عدل ما مات عايش بعده الحسين

​رادو بالسجن يا سيدي يذلوك
ونورك يطفه رادو داخل الحفره
لكن بالعكس ما يطفه نور الله
باقي لهسه يضوي بداخل الحضره
ابن جعفر سجين شلون اكول عليك
ما افرض فرض ما اقبل الفكره
صح بيدك سلاسل تاكل من سنين
جوعانه السلاسل وانته ابو الفقره
بلحم ايدك تعزب للقيود اشكال
اصبعك واللحم لو جاعن تبتره
غريب شلون اكولن وانا اعرفك زين
مو حيدر ابوك وامك الزهره
مو قصة سجن لو غربه عايش بيه
بعيونك سجنهم جنه وشكبره
دعيت الله وتريد ...

بلا بيبان
بلا حيطان
ادور بيوت ما الكه
الفكره براسي اغيرهه
وارسم بالخريطه عيون
حته تشوف عيني الناس
ادور بيوت مسكونات
ادور اباب بيه اثار
دكة جفوف تعبانات
راحن وين
شالن وين
يا سجه التوديني
تعبت هواي ما مش بيت
ما مش بيت
ذاك البيت
ذاك البيت
لكيت البيت
بلا بيبان

...

كصتي عين وتبجي لمن تستحي
جنهه دمعة عوز متكبعة بخجل
انا ربك عاجن بروحي الحياء
وما سكنت بيوم ريكان الجبل
انا عالقمه صرت بس مو غرور
القمه عد روحي ولك صدكني تل
كافي لا تعبد بعد صخرة بلال
شفاد ابو سفيان تاليته هبل
عالظهر جفك اجه بلهفة جهال
متاني وكت العيد لو دك الطبل
لهسه ماحكني الجرح بعده بكفاي
الخنجر

...