دهري فرهدك مني وداراك
هطرني وهشم الجسمي وداراك
ثنيتك موحشه ضلت وداراك
من اصد ليها تشب النار بيه

يعاندي القلم لوردت اكتب ليك
عكس ما اريد .... يكتب هو عنك!!
كَتله اكتب : كَضت عشرتنه وياك
كتب : ياروحي احبك ما املك
كَتله اكتب : ماريدك دغش بيك
... كتب : اهواك يل المزيون كلك
طلع حتى القلم ...دايخ ولك بيك
يصفط اشعار من يشعر بظــــــــلك

عندما اشتاقُ إليك فقط ارفع يدي وانظر إلى السماء
فيهبُ نسيم عشقك ويحملني إليك مع نفحات الهواء
فأطير بعطري و ورودي وأحطُ على غصن قلبك الغنَاء
روحي أنا بدونك أشعر بأني بلا وجود وبلا وطن وبلا انتماء
وبقربك أنا كالطفل الصغير لحنانك وعطفك في ارتواء

دگ بابي طير الحزن
غبشه عليه غبش
فكيت بابي بحذر عالباب چفي ارتعش
غابه وكواسر اجت والدهر بيه بلش
وأختار احلى الولد وسنين عمره اثنعش
ردت امشي بزفته
جابوه اليه بنعش؟ !

حبيبي ما عرف فد يوم يوفاي
من هجره احترك بالنار يوفاي
ما همه كعدت بالشمس يوفاي
كل همه يشمت اعداي بيه