يومآ ما سأحتاج لدعواتكم ....تذكروني

جم صوره بيها اضحك جنتمن طولت شكيتهه..
وجم حسره وي سرب الهوه
بذاك المطر هديتهه..
عيني بوداعك مابجت
بس هسه تدري اعله السطح وي الهدم شريتهه..
جم شامت ابعدك شفه
وجم نورس ابروحي اختفه..
كبعت بعدك ضحكتي ولاهل الضحك زفيتهه..

.

ليش ....من گتلك گبل هذا الدرب ما صدگتني ..؟
وليش ....من گتلك بساتين البروحي تريد فيك عاندتني..؟
وليش ....من گتلك تعال نصير للدنيه ورد ما طاوعتني ..؟
وليش ....من بعت الاحبهم واشتريتك ...أنته أول ما حچوا عني بعتني ..؟

انتضرك ترد كطعت كلبي اعليك
ترضه انته اليحبك كلبه يتكطع
وتانيتك تجي واشكد الك تانيت
ما حاسب احساب ابحبك اتولع
يمته اترد عليه العمر عده او فات
عيني ابشوفتك يالغالي ماتشبع
حبك قصتي او بيهه اقره ليل انهار
وملهوفه اعله صوتك بس اريد اسمع
ويلوموني ابمحبتك ...