ليش اجيتي وفززيتي اجروح جانت غافيه
وليش ترضين اعله غيمي
يمر سماج الصافيه
ليش فززتي الهوه وجبتي الحنين
وبكلب ميت ندهتي العافيه
لي نفختي ارماد روحي
وجمريتي اشواك جانت طافيه

دك بابي الفرح من فرحتي انجنيت
كلي لا تكيف غلط دكيته

ماريدك تجي ويصير جناز
وتقره الفاتحه يم كبري وتروح
اريدن من أموت تموت وياي
مو انت كلت احنا بفرد روح؟

أسمحلك تدوس جروحي من تضوج
ومن تضحك بعد شتسوي اسمحلك
اشوف اهلك جنت ولخاطرك كل يوم
ولأن كلبي يحبك صرت احب اهلك

أعز من روحي أحـِسـٌكْ
وانته اعز منـٌي
ياحسبة عمر ..خاويتها إمن إصبــاي
بـِطلـَتْ صـَفنتي .. وما بَطـٌلـٌتْ مني
أحــِس كًًُــَلبي الفـِضـِي..متعوب حد الويل
وأدعيـله الصَبُر.. عن لا يفشلني
جَسٌيت الليالي ابمرود الحلوات
وسنين العمر بالشيب جسنـٌــيٌ ...