بالك تمر بالدار عنها اشمر بعيد
دار العزيز اهواي نوح اوبجي اتريد

عمده امر بالدار والنوح ازيده
وسمع صداها ايكول راح لتريده
عمده امر بالدار وشبع مغمه
ولمعتني الطيبات لو طاح شيهمه

ارد اسأل الحكام وهل العداله
لومصخ ملح لزاد شنحط بداله
لو مصخ ملح الزاد حط دمع العيون
وفنهم بعد يفلان ماصخ يكولون

الوكت سيف النذاله حد بينه
جزه وثبت ثوايه وحدبينه




يهل تنشد عليه حدبينه
وظن ذني علامات المنيه

أريد أبجي على صدرك مشتهي النوح
وأريد أكعد كبالك وأحسب جروح
بيه نار وهيه مو كل نار نار
أبجي ماينزل دمع يطفر شرار
فاتك قطار الحزن وبعيد عنك صار
والشيب حله الزلف وانوب بالخد لاح
أبجي على حد الحزن لان الحزن ذباح
مادام ضاع القفل شنسوي بالمفتاح

يسألوني عليك هوايه شمات
وأجاوب بلدمع بلكي يسكتون
يكلولي حبيبك يرد هيهات
شكل للناس عنك واليسألون
تعال بكلبي صارت كومه شغلات
وعلى حالي بجو حتى أليكرهون
تعال ألعمر خلص بقن ساعات
بعد يمته تحن لمن يدفــــــنون