اكتفيت ابطعنتي لو معوز كول
سجاجين الشماته اتوزعن فطره
انه انطيتك اسنيني وبدمع اكضي الليل
كلب الي يحبك تشعله ابجمره
صنعت اني السعاده ابوجهك امن اتفوت
وسويتك قصيده الكل محب يقره
مثل حال النهر طيب عسل تلكاه
بس المامجربه صعب ايعبره
انه اشراعي بديك ابنص بحر غدار
انوي اعله الجرف بس ترجع اتفره
شسويلك بعدالكلب بيك احتار
شما ينوي يفرحك ترجع اتقهره

انطيني ايدك بعدني لهسه مشتاك
بلكت من الزمك روحي ترتاح
انه من تعوفني انذل مثل طير
يريد يطير لكن فاكد جناح
تجي والساعه تاكل موعدي وياك
واحس ميل الثواني جنه تمساح
انه سنيني العشتهن ذني الوياك البدونك عليه يمرن اشباح
ضكت عمري الوياك وركزت بي
وبجيت وكمت احس بقيمه الراح
انه احبك بكد ماخايف تروح
اذا لاسامح الله تبعد شراح اسوي؟
وانه وحدي من يمر يوم الدمع بخدودي احسه ينبت رماح
جفي لا تهده انه اوصيك
كلش ...

حبيتك قبل متشوفك العين...
حب كلش مقدس مو قصد غايه...
واعرفك ماتصدك من احاجيك...
وما دخلت بعقلك هاي الحجايه...
ولكن راح اوضح ابقه لحظه وياي...
هسه المعنى يوضح من تجي الآيه...
(وجعلنا من ألماء كل شي حي)
هسه المعنى واضح يمكن هوايه...
يعني الماي انت وزرع هاي الناس...
ويازرع الغشيم المايحب مايه؟؟؟