راح اسولف مو عليه
لاعليك
راح اسولف يلا عد بيهن بديك
راح ابدي
منين ابدي ؟خاف اسولف وشتهيك
اي وحقك
انت حته ابنومي اسولف اني بيك
وانسى روحي
وحته كلبي يعوفني ويزحف يجيك
تريد اكمل؟
لا شكمل
خاف اكمل ثوب ماتلكه عليك

ماعندي گلب بغيابك يعيش
گلبي بغيبتك من صدري شلته
واذا عندك گلب يتحمل فراگ
دگلي منين گلبك هذا جبته
جاوبني دخيلك والله مشتاگ
جد جدي بغيابك والله شفته

ياصاح انت الكبد وانت بحيــاتي ورد
اتمنيت اوصل الك وانطيك روحي ورد
بالروح حبك زرع بستان هــــيل و ورد
وسهام حبك صفن بالكلب ميه والـف
انت وليفي صرت وماعندي غيرك ولف
لو ابقى كل العمر افتر وادور ولـــــــــف
ما ألگه مثلك محب ولا ألگه مثلك ورد

مو مهم تعرف احبك

ومو مهم انت تحبني

المهم عيني تشوفك

وهذه عندي هواي تكفي

وانت ظل كابر بروحك

وبغرورك عني اجفي

وانسى كل الدنيا والله

لو يمر طيفك بصفي

وانتهي واتلاشه واخلص

لو يصد طرفك بطرفي

حبك بــ عينك قريته

وانت عمدا عني تخفي

وانت لو تنخلني بيدك

اني بس لـ حبك اصفي