گالولي وما صدگت آنيتروح وتعيش ابلد ثاني وبعد ما غرب شراعك نسيت الدنية بوداعك وبعجل غيرت اطباعك ورضيت تعيش وحداني غريب الغربة مو دارك ولا تكتملك أسرارك بحلم طيف الوطن زارك ارجع گلي شمتاني غريب الغربة متفيدك ذليل الأجنبي يريدك بحزن تگضي صبح عيدك وهموم بليله تعاني
وگعت ابير أظلم من يطلعني أصيح بصوت عالي ومنو يسمعني يروح الصدى ويرجع ومحد لصيحتي يسمع الماينفعني هسة شوكت ينفعني ما احزن لأن وگعت بأغمگ بير احزن لأن صارت وگعتي بتدبير من اغلى وأعز الناس عسل مسموم حطلي بكاس اعز انسان عندي وتالي يخدعني غمگ البير ما أظنه بغمگ جرحي يا روحي عالزمان تحزمي واصحي احسبي حساب للأيام ولا تعيشين بالأوهام ولا تگولين أول بير ضيعني
من گد ما أطول خلگ بالروح على چتفي بنت عشهة العصافير مسالم عشت معلية بالناس لأن تگرصه اللي يطخهة الزنابير تغدر هاي الخلگ ما ترحم إنسان نصحهم يحيى گصوه بمناشير يصح يخونك بشر ويوفي حيوان ساري تركوه هله وظل يمه بس شير خشبة آنة وسط چاكوچ والگاع صابر وأدري مو ذنب البسامير الحليم بإشارة ويعرف المگصود فاسك براسك وگع متفيد المحاذير
مسحتك من حياتي واحلى الأيام وأريد أنساك آنة مقرر اليوم لأن انتة تبدل اطباعك هواي صارت سهلة عندك مثل الهدوم أنة گلبي بري وحكمته بالاعدام إذا مو اليوم باچر گلبي معدوم عشت وياك سمچة مفارگة الماي وگضه عمره السمچ ماكول مذموم أنة طبعي صگر ومعلي بسماي وترى عمره الصگر ما رافگ البوم لا تظلم عزيز النفس وياك وميدوم الظلم ولو دام شيدوم ما ضگت الفرح بعشرتك ذيچ مرار بشفتي وملازم الصوم
حذرتك يا گلب مو مرة مرات لا تحچي التعرفه يهجم بيوت تمنيتك مرة يونس تصير وآني بيدي اشمرك ابطن حوت لأن ادري الحچي تالي يأذيك حتى لو صاحبه شالوه بتابوت وترى ذاك الحچي لو مرة ينگال يا بير اليطمه يا ورگ توت الدنيا تنگلب السمة عالگاع وما ينفع سحر هاروت ماروت ظل عايش فخر واتحمل اللي صار من طهران لحد أطراف بيروت الخيانة واضحة من المنك وبيك يگلبي ابلع لسانك موت بسكوت
قوانين المنتديات العامة
Google+
الأرشيف
تصانيف المدونة
آخر الزوار
إذهب إلى الملف الشخصي
إجعلها كمقروءة