سنا ابراحه العمر يلفي سنابل
قهر،وانط سنا المامش سنابل
زرعنه وچف تعبنه انتج سنابل
وصحينه الغير متملْك الثنيّه

ك...جاسب الحمودي المالكي ""

لجلبنك ي ليلي ابحيل ابوالتسعين
و اون ونّة حمام الدوح الك كل حين
حسبْت اجروح گلبي ابسبحتي المن طين
و لگيت اخرزهه بيدي اتگول تشريبه
((لجلبنك ي ليلي اثنعش تجليبه))

ك...جاسب الحمودي المالكي ""

اليالي ما اظن ابيوم وانسان
دليلي، ولهّنه من الظيم وانسان
صرت مبرد و إنه الأنسان وانسان
سيف الما يرفله اگليب بيّه

ك...جاسب الحمودي المالكي ""

سناسل ثق حسن وجهك يربطن
الجدم، م من ارد اگلنه يربطن
خبص عگلي النظر ماكن يربطن
كأنه الحور شاف اعلي الوطيه

ك...جاسب الحمودي المالكي ""

اجرحني وارگص ع الجرح
هم تلفي اليه ابعازتك...
ابذاك الوكت مامن رحم
راح ارگص اعلي اجنازتك...

ك...جاسب الحمودي المالكي ""