مدري شحجي؟
ومدري شحجي؟
ديرة غربة وجوه مليانة فهاوة
وانة وحدي
وياطبيب صواب دلالي كلف
باوعتله ولنة هندي
اي نعم دكتوري هندي
يرطن وباوع عليه
ليش مملوح بسمارك
ولون وجهك ماهو وردي
انت مو نهرين عندك؟
وكاع مليانة خضار
شجابك الليجاي عندي ؟
كتله كاعي فرهدوها
وذبلوا ضحكات خدي
ضحك سنه وهزلي بيده
وكال معقولة العراق
يصير بعدي؟
جان جدك واحد من المعجزات
بعين جدي
يامهد اول حضارة
انكتبت باوراق بردي
كتلة ابشرك ضاع مهدي
وهسة محتارين
بين عادل بين نوري
وبين مهدي
كال هسة شيوجعك؟
كتلة اظن يوجعني زندي
كال روح ارجع لكاعك
وابني بيتك
ماألك كل جارة عندي
الايد من ماتبني بيها
تصير مثل المرض معدي
وسام الركابي
رد مع اقتباس
